మిత్రమా! ఈ రేయి కొంత ఎకాంతంలో గడపాలి! వచ్చేది జన్మానికో నీలి వెన్నెల రాత్రి!

 

మిత్రమా!

ఈ రేయి కొంత ఎకాంతంలో గడపాలి!

వచ్చేది జన్మానికో నీలి వెన్నెల రాత్రి!

నీలి వెన్నెల వెదజల్లు చంద్రుని అధీనంలో మనం 

ఈ శరద్ పూర్ణిమ నీలిమ ఉత్తేజంలో మనం 

ఈ శరద్ యామినీ సౌదామిని

సురభామినిలా సిగలో తురిమే నీలి జాబిలి అందాల 

మన జీవితాలు రసభరితం సుధాపూరితం  

నీలి పూర్ణ చంద్రోదయం!

అదో అరుదైన అద్భుత దృశ్యం.

త్వరలో మరలా రాదు ఆ అద్భుత సన్నివేశం

కళ్ళు బాగా విప్పార్చి చూద్దాం తనివితీరా

చీకటి దిగంతాల ఆవల జరిగి జారిపోకముందే

కళ్ళు మూసి ఆ చిత్రం ముద్రించుకుందాం మనసారా

తెల్లవారి వెలుగుల్లో నీలి వెలుగు కరిగి ఆరిపోకముందే

వచ్చేది జన్మానికో నీలి వెన్నెల రాత్రి!

మిత్రమా!

ఈ రేయి కొంత ఎకాంతంలో గడపాలి! 30.12.2020  22:45 to 23.40 hrs