సందేలమాటు బడుదిలేసాక ఇంటికెల్లి పెరట్లో అరుగుమీద కూకుని హోమువర్కు సేసుకుంటుంనప్పుడు..,

పుల్లలపొయ్యమీద కుతకుతలాడతా వుడుకుతున్న అన్నం వాసన గేపకవుందా? అద్బుతవైన పరిమళం.., నేనింకా అప్పుడప్పుడూ వండుకునేది ఆవాసనకోసమే..,

బల్లోకెల్లాక కరెట్టుగా మజ్జానంనుంచి వానొచ్చేసి కంటిన్నుం సేహేత్తే ఎంతానందంగా వుండీదోకదా?

వంటిగంటకి ఇంటిబెల్లు కొట్టేసాక వానతగ్గి ఇంటి కెలతా కాల్లు బురదలో తడకూడదని గోడలనట్టుకుని ఫీట్లుసేత్తా ఎల్లివోల్లం గేపకవుందా? (ఫొటో పెట్టానదే).,

సందమామరావే జాబిల్లిరావే అంటూ ఓసంకలో పిల్లని.,
మరోసేతిలో చారు.,నెయ్యి ఏసి మెత్తగా పిసికిన అన్నం తినిపింతం.,

కొంచెం ఎదిగిన పిల్లలకు గేదెల్ని, కోళ్ళని చూబెట్టి తినిపించడం.,

అదిగో బూసోడొచ్చేత్తన్నాడు బేగాతినేయాలంటం.,

బేగా తినేత్తే బేగా పెద్దోడివైపోతావంటం..,

పిల్లలందరినీ ఓ దిక్కినే కూకోబెట్టి అన్నాలెడతం..,

ఎవరు ముందు తింటారో..,అని పందాలెడతం.,

ఒరే బుజ్జే అందర్ని గొద్దెక్కిచ్చేయాలొరే (ఓడించేయాలని)నువ్వు అంటం.,

తినకపోతే రెండు తగిలింతం.,

అన్నం తినీముందు కల్లకద్దుకోమంటం.,

బాసింపటవేసుకుని తినమంటం.,

ఓకాలు మడతేసి.,ఓకాలుసాపితే అలా మడిగాల్లేసుకుంటా వేంటిరా ముడిగాల్లెదవ అని తిడతం..,

అన్నం తినాపోతే మేనమామని కేకేయమంటం.,

తోలుతీసేత్తాను తినాపోతే ఒక్కొక్కడికీ అని బెదిరింతం.,

ఒలే బేబీ ఇందాకొచ్చేడుకదూ.., బూసోడు., ఆన్నిలా కేకేయవే ఈడు అన్నంతింటంలేదనగానే గబగబా నోటినిండా కుక్కేసుకుంటం..,

కోడిగుడ్డు సగం ముక్కే ఏత్తం.,

కోడిగుడ్డు కంచం కోసం కొట్టుకుంటుం..,

పెన్సిలెప్పుడూ సగంముక్కే ఇవ్వటం.,

పాతసంవత్సరం మిగిలిపోయిన నోటుబుక్కుల్లోని కాయితాలన్నీ సింపి తెలుపు.., రూల్లు., అన్నీకలిపి బొంతసూది.,పేకదారంతోటి చిత్తుబుక్కులు సేసుకుంటం..,

ఇంకుపెన్నుల్లో రెండుసుక్కలు ఇంకు అప్పడగటం..,

పాళీ,నాలిక అనీవోల్లుం., పెన్నుకిందడితే పాళీ ఇరిగిపోయీదిగాని.,నాలిక బానేవుంటం.,

పెన్ను కక్కేంత్తుందనీవోల్లుం.,

ముల్లుపెన్నుల్లో ముల్లు రాయకపొతే గట్టిగా గాలూదటం.,
పొయ్యపక్కనెట్టి వేడిసేసుకుంటం., ముల్లుతీసేసి ఏలడ్డవెట్టి గాలూదటం.,

సూదిపిన్నీసెట్టి ముల్లులో వున్న గుండు బయటకు గెంటడం.,

చేతిసంచీలో పుస్తకాలన్నీ నీటుగా సర్దుకుని సంచీ భుజాన తగిలించుకుని బల్లోకెలతం..,

పుస్తకాల మయంగా నెమలిపించాలెట్టుకుని తాటిపూర్ణం మేతేస్తే పిల్లలు పుడతాయనుకుంటం.,

కొత్తపుస్తకం కొనగానే మజ్జిగూట్లో వాసనసూసి అబ్బా ఎంతబోందో అనుకుంటం.,

పదోతరగతిదాక నిక్కర్లతోనే వుంటం.,

పొడుగుఫేంటుకుట్టించుకోవాలని కలలుగంటం.,

ఆరోజుల్లో అంబాసిడర్ కార్లని టూరింకారు అంటం..,

ఇనాయకసవితి., దేవీనవరాత్రుల్లప్పుడు గుడిదగ్గరేసే నాటకాలు,సినిమాలు పోగ్రాంలగురించి ముద్రేసిన పేపరు కోసం ఎగబడి కలబడిపోతాం.,

సమయాను కూలపోగ్రావనుంటే ఆయాల సినిమా ఏత్తారో, నాటకవేత్తారో అని చర్చించుకుంటం.,

నాటకాలేసీవోల్లు మేకప్పులేసుకుంటుంటే దొంగతనంగా తలుపుకన్నాల్లోంచి సూత్తం.,

గోనుసంచట్టుకుపోయి స్టేజిదగ్గరగా సోటుసూసుకుంటం.,

ఇంత అద్భుతమైన లోకాన్ని మనంచూసొచ్చాంకదా..,
మరీకాలం పిల్లలకి ఇదంతా వట్టిదేనా..,!?

ఈపోస్టులోయన్నీ అనుభవించినవారు మీఅనుభవాల్ని కామెంట్లలో రాయండి.,

ఈపోస్టు సదివిన తర్వాత ఇందులోవున్నాయి మీకు తెలీదంటే ఖచ్చితంగా మీ అమ్మానాన్నలకు తెలిసినట్టే వారినడగండి మీరిలాగే సేసీవోరా అని..,

గోదారియాసే నాశ్వాస మీ Evv సత్తినాణ.,