భయం -ఖలీల్ జిబ్రాన్

 భయం

అంటారు సముద్రంలో కలిసిపోయే ముందు నది 

భయంతో వణకిపోతుందని

దాటివచ్చిన దారిని వెనక్కు తిరిగి చూచుకుంటుంది

పర్వతాగ్రాలనుండి అరణ్యాలు జనపదాలు, వంపుల సుదీర్ఘపయనం.

ఎదురుగా చూచింది ఎంతటి అనంతసముద్రం 

అందులో దిగడమంటే శాశ్వతంగా అదృశ్యమవడమే.

మరో దారి లేదు 

నది వెనక్కు తిరగలేదు. 

సాహసం చేయవలె

సముద్రంలో దిగవలె

అప్పుడే భయం వదిలిపోగలదు

అప్పుడు కాని తెలియదు 

అబ్ధిలో లబ్ధి

అదృశ్యమవడం అంటే

సముద్రమవడం అని. 

                        -ఖలీల్ జిబ్రాన్

నోట్: 

[Nobody can go back

To go back is impossible in existence 

ఆంగ్లానువాదంలోని యీ చరణాలు నా తెలుగు అనువాదంలో వదిలేశాను. అవి లేకున్నా కవిత పూర్ణమే అనిపించింది. ]