అందరికీ నమస్కారం! నా పేరు వైభవ్ గుర్తున్నానా? ఈ రోజు నా పుట్టిన రోజు! ఏ మనిషి జీవితంలోనైనా రెండు గొప్ప రోజులు ఉంటాయి.
ఒకటి అతని పుట్టిన రోజు
రెండవది ఎందుకు పుట్టాడో తెలుసుకున్న రోజు!
మన జీవితాలు అశాశ్వతం అని తెలిసినా
అన్నీ శాశ్వతంగా ఉండాలని కోరుకుంటాం - ఒక్క ప్రకృతిని తప్ప
ఏడుస్తూ వచ్చి ఏడిపిస్తూ వెళ్ళిపోయే
మధ్యలో నవ్వుతూ నవ్వించే కాలమే మన జీవితం
తన చుట్టూ వున్నపరిసరాల్ని అందంగా
చుట్టూ వున్న వారిని ఆనందంగా
వుంచేవారి జీవితం అందంగా, ఆనందంగా ఉంటుంది!
కొందరిని కొంత కాలం తర్వాత మర్చిపోతాం!
కొందరితో ఉన్నప్పుడు కాలాన్నే మరచిపోతాం!!
అందుకే మన సహచరులతో ఆహ్లాదంగా గడుపుదాం!
పదికాలాలూ మనల్ని గుర్తుంచుకునేలా....ప్రకృతికి ప్రేమిద్దాం
ఇవ్వగలిగిన దానికంటే ఎక్కువ ఇవ్వడం ఔదార్యం!
అవసరమైన దానికంటే తక్కువ తీసుకోవడం గౌరవం!
అందంగా వున్నవారికన్నా...
కానీ మనం ప్రకృతినుంచి ఎంతో తీసుకుని
ప్రకృతికి ఏమీ ఇవ్వడం లేదు.
కొంతైనా తిరిగి ఇచ్చేద్దాం లేకపోతె లావయిపోతాం
మొక్కలు నాటుదాం! వృక్షాలుగా ఎదిగిద్దాం!!
'ఒక పువ్వు రంగు చూస్తూ శతాబ్దాలు బతగ్గలను' అన్నారు కవి శేషేంద్ర.
కానీ మన జీవితంలో కనీసం ఒక్క మొక్కని నాటకుండా
ఒక పువ్వుని పుష్పించకుండా, చూడకుండా బతికేస్తున్నాం!
"మొక్క నాటడానికి అత్యుత్తమ సమయం 20 సంవత్సరాల క్రితం.
రెండవ అత్యుత్తమ సమయం ఇప్పుడు" అని ఒక చైనా సామెత.
ఆనందం అనేది మనం చేసే ఆలోచనల్లోనే ఉంటుంది.
శ్రీశ్రీ గారు చెప్పినట్లు “ఆచరణకు దారి తీస్తేనే ఆశయానికి సార్థక్యం!”
మన సామర్ధ్యాన్ని బట్టి మనల్ని మనం
అంచనా వేసుకుంటాము....
మన మహత్కార్యాలను బట్టి
ఇతరులు మనల్ని అంచనా వేస్తారు
ప్రతి రోజు ఒక సంకల్పంతో నిద్రలేచి
దానిని నెరవేర్చిన సంతృప్తితో నిద్రపోదాం!
మనం సాధారణ వ్యక్తులమే కావచ్చుకనీసం కొంతమందైనా
మనల్ని గొప్పగా భావించేలా జీవించాలి.
డబ్బు దుబారా కన్నా
సమయం వృధా చెయ్యడం మరింత ఎక్కువ నష్టం.
ఎప్పటికప్పుడు మనలో చెడుకలుపు మొక్కలని తొలగించి
మంచి ఆలోచనల విత్తనాలు నాటితే ఆ జీవితం ఆనంద బృందావనం అవుతుంది!
నన్ను చూడాలంటే ఒక మొక్కని నాటండి. అందులో పువ్వులా నవ్వుతూ పలకరిస్తా!
నీటిని వృధా చెయ్యద్దు! అది నా కన్నీరు
రండి మనందరమూ కలిసి ప్రకృతిని ప్రేమిద్దాం! పర్యావరణాన్ని పరిరక్షిద్దాం!!
భావితరాలకు మంచి పచ్చదనాన్ని అందిద్దాం!
నా పుట్టినరోజుకు శుభాకాంక్షలు తెలిపిన
మీ అందరికీ నా హృదయపూర్వక కృతజ్ఞతాభివందనాలు.
ఎప్పటికీ మీలో, మీతో వుండే
మీ ఆదర్శ ఆశయ కార్యాచరణ సాయి వైభవ్ విస్సా!
