తెలుగు తల్లికి మల్లె దండ
(రాయప్రోలు సుబ్బారావు)
పాల క్రొమ్మీగడల్ వచ్చి వెన్నయి విచ్చి
తీయని నునుపూసలాయెనేమో
కమ్మని మకరంద కణములు స్నేహించి
చిన్నారి పలుకులై చిక్కెనేమో
పూల లావణ్యంబు పొంగి చక్కదనాల
పిందెలై రుచులెక్కి పెరిగెనేమో
సెలయేటి యుయ్యాల కులుకు టోయ్యారముల్
ముద్దు ముచ్చటలయి ముదిరెనేమో
పాటకును, పద్యమునకు నబ్రముగ నొదిగి
చవికి చాతుర్యమునకు, సాజముగ సాగి
పోరునకు పొత్తునకు జాతి పొంది పొసగు
మా తెలుగు తల్లి మెడ కిదె మల్లెదండ!!
No comments:
Post a Comment