🍃🥀 *ఆచార్య ఆత్రేయ గారి జీవితంలోని ఒక సరదా సంఘటన..వారి జయంతి సందర్బంగా..*

*మనసుకవి ఆత్రేయ పాట రాసే విధానం చాలా వింతగా ఉంటుంది..పగలంతా పిచ్చాపాటీతో కాలం గడుపుతారు. డాన్పించ్ సిగరేట్సు..పళ్లెం నిండా ప్రూట్సు..వుండి తీరాలి. అసిస్టెంట్ డైరెక్టరు పాట రాయించుకోడం కోసం,పెన్నూ పేపర్లూ పాడ్‌తో రెడీగా వుంటాడు. ఆ పెన్ను అలాగే  వుంటుంది. ప్రూట్సు ఒకటీ అరా అవుతాయి. సిగరెట్లు మొత్తం ఖాళీ అవుతాయి. ఆయన నిద్రలోకి జారుకుంటాడు..*

*అంతే!*

*మళ్లీ సాయంత్రం.*

*ఫ్రెష్ష్‌గా స్నానం*

*ధవళ వస్త్రాలు ధరించడం* *సిగరెట్ వెలిగించడం.*

*‘‘ఎందాకా వచ్చాం?*

*‘‘ఏదీ... మొదలు పెట్టందే!’’*

*‘‘మొదలుపెడితే పాట* *పూర్తయినట్లే కదరా!* 

*ఆ మొదలు దొరకడం లేదు. ఓ మాట అనండి!’’*

*‘‘వేడి కాఫీ చెప్పు!’’*

*ఇలా వుంటుంది ఆయన ధోరణి..*

*పాట పూర్తికాదు.*

*గంటలు.. రోజులు.. వారాలు గడుస్తుంటాయి.*

*‘‘పాట’’ పుట్టదు.*

*హోటలు అద్దె పెరిగిపోతుంది.* *ప్రొడ్యూసరు లబోదిబోమంటాడు.* *సరిగ్గా ఇలా జరిగింది,* *పద్మశ్రీ పి పుల్లయ్యగారి మురళీకృష్ణ చిత్రానికి.*

*ఇద్దరిమధ్య మంచి చనువుంది. తిట్లూ-పొగడ్తలూ సర్వసాధారణం..*

*ఆరోజు అమీతుమీ తేల్చుకోడానికి పుల్లయ్యగారొచ్చారు..*

*‘‘పాట వొచ్చిందా?’’ పుల్లయ్యగారు.*

*‘‘వొచ్చి చచ్చింది!’’ ఆత్రేయ సమాధానం.*

*‘‘నన్ను చంపకు. ఇక రూమ్ వెకేట్‌చేసి బయలుదేరు!’’*

*‘‘ఆ మాటకోసమే ఎదురుచూస్తున్నాను’’*

*‘‘సిగ్గులేదూ నీకు!’’*

*‘‘వుంటే సినిమాలకెందుకు పనిచేస్తాను!’’*

*వీరి మాటల్లో బూతులు సర్వసాధారణం.* *అవి వ్రాయదగ్గవి కాదు.*

*కారు ఆత్రేయగారింటికేసి దూసుకుపోతోంది వేగంగా..*

*అంతకుమించిన వేగంతో వారిమధ్య మాటల యుద్ధం జరుగుతోంది.*

*పుల్లయ్యగారి ముఖంలో కోపం. ఆత్రేయ ముఖంలో చిరునవ్వు..*

*‘‘దిగూ! నువ్వు ఎక్కడవున్నా- నువ్వు సుఖంగా వుండాలనే  కోరుకుంటాను!’’* *అన్నాడు పుల్లయ్యగారు.*

*అంతే! ఏదో ఫ్లాష్ వెలిగింది.*

*కారు తిప్పు మన ఆఫీసుకి* *పోనివ్వు..* *అన్నాడు ఆత్రేయ*

*‘‘ఏం ఉద్ధరిద్దామని!’’*

*ఇలా పోనియ్యవయ్యా!...*

*ఆఫీసు చేరుకుంది కారు..*

 🥀 *‘‘ఎక్కడవున్నా- ఏమైనా’’*

*మనమెవరికి వారై వేరైనా...*

*నీ సుఖమే నే కోరుతున్నా*

*నిను వీడి అందుకే వెళుతున్నా- సాకీ...పల్లవి. వచ్చేసింది.*

🥀 *అనుకున్నామని జరగవు అన్ని*

*అనుకోలేదని ఆగవు కొన్ని*

*జరిగేవన్నీ మంచికనీ,*

*అనుకోవడమే మనిషి పనీ*  

చరణం వొచ్చేసింది-

ఇక రెండవ చరణం-

🥀 *పసిపాప వలే ఒడిజేర్చినాను*

*కనుపాప వలే కాపాడినాను*

*గుండెను గుడిగా చేశాను!!2!!*

*నువు వుండలేనని వెళ్ళావు !! నీ సుఖమే !!*

🥀 *వలచుట తెలిసిన నా మనసునకు*

*మరచుట మాత్రము తెలియనిదా*

*మనసిచ్చినదే నిజమైతే*

*మన్నించుటయె ఋజువుకదా*- 

*మూడవ చరణం వచ్చేసింది..*

👉🏾ముక్తాయింపు వుండాలి కదా-

*‘‘నీ కలలే కమ్మగ పండనీ.*

*నా తలపే నీలో వాడనీ*

*కలకాలం చల్లగ ఉండాలనీ..*

*దీవిస్తున్నా.. నా దేవినీ..!!2!!* ॥ *ఎక్కడవున్నా*॥

*పాట అయిపోయింది..*

🤣☺😥 *పుల్లయ్యగారికి నవ్వాలో ఏడవాలో తెలియని పరిస్థితి. ఆత్రేయ చేతుల్ని ముద్దుపెట్టుకొని తన ఆనందాన్ని వ్యక్తం చేశాడు..*

🎻 *ఈ పాట మాస్టర్ వేణు చేతుల్లో పడింది*. *ఆయన ట్యూను చేస్తూ ఏడవడం మొదలుపెట్టాడు. ఘంటసాల మాస్టారు విన్నారు. ఆయన ఆ పాటకి ప్రాణం పోశారు. ఘంటసాల గారికి అత్యంత ఇష్టమైన పాట..*

*వేణు మాస్టారికి ప్రాణం ఈ పాట.*

*పుల్లయ్యగారికి ఈ పాట ఆరో ప్రాణం అయింది*

*అక్కినేని నట జీవితంలో పూర్ణాయుష్షు నింపుకున్న పాట ఇది!*

 🤔 *అయితే ఆత్రేయకిది కేవలం ‘పాట విడుపు’ మాత్రమే!*

సేకరణ :