విస్సా సాయి వైభవ్‌! ఇంటర్వూ ఎయిర్‌ ఈ టీవీ ఇంటర్వూ

విస్సా సాయి వైభవ్‌ ఇంటర్వూ ఎయిర్‌ ఈ టీవీ ఇంటర్వూ

మా పెద్దబాబు చిరంజీవి సాయి వైభవ్‌ వాడు ఎప్పటికీ మా జ్నాపకాల్లో వాడితో ఏ కొద్దిపాటి పరిచయం కలిగిన వారి జ్నాపకాల్లో చిరంజీవి గా ఊంటాడు. బాబు అవయవాలు అన్నీ పదిమందికి జీవితాన్ని ఇచ్చాయి.  ఈటీవీ ఇంటర్వూ మీకు వీలున్నప్పుడు చూడండి. https://www.youtube.com/watch?v=Y37dZc-MyWY

 ఈ లింక్ నొక్కి ఈ ఇంటర్వ్యూ పూర్తిగా చూడండి వాడు మా అబ్బాయి చి. సాయి వైభవ్ ఇంత చేసినా నాకు చెప్పలేదు. నాకు తెలియకుండా ఎంత ఎదిగిపోయాడో అందనంత ఎత్తుకు ఎదిగిపోయి నాకు అందకుండా పోయాడు... నాన్నకు ఆశ్చర్యం, విస్మయం. కలిగించాలని నాకు చెప్పకుండా ఇంతచేసి ఇంత ఆశ్చర్యం, విస్మయం చేసావా నాన్నా, నిన్ను నేను ఇంకా నా చేయి పట్టి నడిచిన నా చిట్టి తండ్రి గానే అనుకున్నాను కానీ నీ చిన్ని గుండెలో విశ్వమంత ఆశయాలను ఆదర్శాలను దాచుకున్నావని తెలుసుకోలేని మూర్ఖుణ్ణి నన్ను క్షమించు నాన్నా నానిబాబు -

అశ్రుతప్త నయనాలతో

నీ మూర్ఖత్వపు నాన్న సత్యసాయి విస్సా

🌹డ్రోన్ బాయ్ ప్రతాప్🌹సత్యసాయి విస్సా ఫౌండేషన్‌! https://www.youtube.com/watch?v=58ag-EYsOF0&t=189s

 నా దేశం భగవద్గీత

నా దేశం అగ్నిపునీత సీత

నా దేశం రత్నగర్భాన దాగిన

కానరాని ప్రతిభా భాస్కరులెందరో...

పస్తులుండైనా మన మన ఇంటా బయటా ఇటువంటి ప్రతిభావంతులను ప్రొత్సహిద్దాం! సత్యసాయి విస్సా ఫౌండేషన్‌

https://www.youtube.com/watch?v=58ag-EYsOF0&t=189s

"ప్రతాప్" - ప్రతిభావంతుడైన యువ శాస్త్రవేత్త. ఈ ప్రతాప్ వయస్సు 21 సంవత్సరాలు మాత్రమే! ఇతనిని ప్రధానమంత్రి నరేంద్ర మోడీ DRDO లో నియమించారు!!

ఇంతకూ ప్రతాప్ ఏమి సాధించాడు?

డ్రోన్ బాయ్ ప్రతాప్

ప్రతాప్ కర్ణాటకలోని ఒక చిన్న కుగ్రామంలో జన్మించాడు. తండ్రి ఒక బీద వ్యవసాయదారుడు. తండ్రి నెలవారీ ఆదాయం సుమారు రూ.2000 మాత్రమే! ప్రతాప్ చిన్న వయస్సులోనే ఎలక్ట్రానిక్స్ ఇష్టపడేవాడు.

ప్రతాప్ డ్రోన్ కు సంబంధిత సమాచారాన్ని ఇంటర్నెట్ ద్వారా సేకరించేవాడు. శాస్త్రవేత్తల యొక్క మెయిలుకు తన సందేహాలను ఈమెయిల్‌ పంపేవాడు బట్లర్ ఇంగ్లీషులో. తను 100 మెయిల్స్ పంపితే తనకు 1 సమాధానం వచ్చేది. గత 2 సంవత్సరాల్లో మాత్రమే తను ఇంగ్లీష్ నేర్చుకోవడం ప్రారంభించారు.

ప్రతాప్ కాలేజీలో బిఎస్సి ఫిజిక్స్ చేరాడు. మైసూర్‌లో బీఎస్సీ 3వ సంవత్సరం చదువుతున్నప్పుడు హాస్టల్ ఫీజు కట్టలేదు. బయటకు పంపించేసారు. అతను బస్‌స్టాండ్‌లో, వీధిలో ప్లాట్‌ఫాంపై ఉండి చదివాడు! అతను మైసూర్ నగరాన్ని ఎప్పుడూ చూడలేదు. మైసూర్ బస్‌స్టాండ్ ఒక ప్యాలెస్ లాంటిదని చెప్పేవాడు. అక్కడ పబ్లిక్ టాయిలెట్లో తన బట్టలు ఉతికేవాడు. ట్యూషన్ ద్వారా వచ్చే ఆదాయంతో చదువును కొనసాగించాడు.

ఏదో ఒకవిధంగా తక్కువ ఖర్చుతో ఎగిరే యంత్రాన్ని నిర్మించాలనుకున్నాడు. దాని పేరు డ్రోన్ అని కూడా అతనికి తెలియదు. కోర్సులో చేరడానికి డబ్బు లేనందున సి ++, జావాకోర్ పైథాన్ అడోబ్ క్లౌడ్ కంప్యూటింగ్ వంటి సాఫ్ట్‌వేర్‌లను నేర్చుకున్నాడు. అప్పుడు అతను బొంబాయి, విశాఖపట్టణం వంటి పట్టణాల్లో అధికంగా పోగుపడిన ఇవాస్ట్ స్క్రాప్ యార్డ్‌లో శోధించాడు. అందువలన అతను తన డ్రోన్ ప్రాజెక్టుకు ఖర్చును 40% తగ్గించాడు. ప్రతాప్ తన డ్రోన్ తయారీ ప్రయత్నాలలో ఎన్నోసార్లు విఫలమై, తన 80వ ప్రయత్నంలో విజయం సాధించాడు.

ఐఐటి పెట్టిన డ్రోన్ పోటీలో పాల్గొనడానికి అతను జనరల్ కంపార్ట్మెంట్లో 3 రోజులు రైలులో ప్రయాణం చేసి ఢిల్లీ వెళ్తాడు. సరైన బూట్లు లేవు. మంచి దుస్తులు లేవు. భారతదేశంలోని వివిధ రాష్ట్రాలు పాల్గొన్న పోటీలో అతనికి 2వ బహుమతి లభించింది. దానితో అతనికి ఉత్సాహం వచ్చింది.

"జపాన్‌లో ఇలాంటి పోటీ ఉంది. నేను పాల్గొంటాను" అని ఒకరికి చెప్పడానికి ప్రయత్నించాడు. కానీ పాస్పోర్ట్, వీసా కొనవలసి ఉందని అతనికి తెలియదు. ప్రతాప్ తన 10th, ఇంటర్ మార్క్‌షీట్‌ను తనఖా పెట్టి కొంత డబ్బు సంపాదించాడు. వివిధ వ్యక్తులు (కళాశాల స్నేహితులు, ప్రొఫెసర్లు) అతనికి వీలైనంత వరకు సహాయం చేసారు. చివరిగా తత్కాల్‌ పాస్‌పోర్ట్, వీసా సంపాదించాడు.

కానీ జపాన్‌లో జరిగే పోటీలో పాల్గొనడానికి, ఒక ప్రొఫెసర్ కు తన ప్రాజెక్ట్ నివేదికను సమర్పించి, ఆమోదం పొందటం తప్పనిసరని తెలిసింది. అతను ఆ పని మీద మద్రాస్ కు 300 రూపాయలతో వెళ్ళాడు. చెన్నై అతనికి కొత్తది. ఏలాగో ఒక ప్రొఫెసర్‌ ఇంటికి వెళ్ళాడు. ఆ ప్రొఫెసర్ ఇంట్లో లేడు. 4 రోజులు తిరిగాడు. చేతిలో ఉన్న డబ్బు కరుగుతోంది. చివరకు ప్రొఫెసర్‌ను కలుస్తాడు.‌ ప్రాజెక్ట్ రిపోర్ట్ చూసిన ప్రొఫెసర్ నిరాకరించారు. "నీవు బిఎస్సి ఆర్ట్స్ గ్రూప్. మీ అధ్యయనం మరియు నువు పనిచేస్తున్న ప్రాజెక్ట్ ఏమిటి?" అని. చేతిలో డబ్బులన్నీ అయిపోయినా, పట్టువిడవకుండా చివరికి సంతకం సాధించి 31 రోజుల తరువాత మైసూర్‌కు తిరిగి వస్తాడు.

*జపాన్ ప్రయాణం : భారతదేశం తరపున పోటీ చేయడానికి ప్రయాణ ఖర్చులు (కనిష్టంగా) రూ.60,000 అవసరం. ప్రభుత్వాలకు మెయిల్ పంపాడు. కానీ ప్రయోజనం లేకపోయింది. మైసూర్‌లో ఉన్న స్వామీజీ ఒకరు విమాన టికెట్ ఇప్పించారు. చివరకు అతను తన తల్లిగారి "మాంగల్యమును అమ్మేస్తాడు".

ప్రతాప్ ఒంటరిగా డిసెంబరు 2017లో టోక్యోకు వెళ్తాడు. అప్పుడు అతని వయస్సు 18 సంవత్సరాలు. కేవలం రూ.1400 మాత్రమే చేతిలో ఉంది. విమానాశ్రయం నుండి ఎగ్జిబిషన్ సెంటర్‌కు బుల్లెట్ రైలు 2 గంటలు మాత్రమే. సాధారణ రైలుకు వెళ్లాలని నిర్ణయించుకుంటాడు. ఎందుకంటే బుల్లెట్ రైలు ప్రయాణం ఖరీదైనది. రైలు దిగాడు. ఎగ్జిబిషన్ సెంటర్ అక్కడి నుండి 8 కి.మీ. అన్ని పెట్టెల లగేజ్ మోసుకుంటూ, 8 కి.మీ. దూరంలో ఉన్న ఎగ్జిబిషన్ సెంటర్కు చేరుకుంటాడు.

127కు పైగా దేశాలు పాల్గొంటున్న ఎక్స్‌పోలో తనకు ఏ స్ధానం లభిస్తుందో ప్రతాప్ కు తెలియదు! 70వ స్ధానం నుండి ఫలితాలు ప్రకటిస్తున్నారు! వాటిలో ప్రతాప్ పేరు లేదు. 60-50 వ స్థానం విజేతల ప్రకటన వస్తోంది. ప్రతాప్ ఫలితాన్ని చూస్తాడు. ఆయన పేరు లేదు. 30వ స్థానం ప్రకటన వస్తోంది. అతను ఫలితాన్ని చూస్తాడు. చైనా విశ్వవిద్యాలయాలు దీనిపై ఆధిపత్యం చెలాయిస్తున్నాయి. ప్రతాప్ పేరు లేదు.

20వ స్థానంలో వచ్చిన వారి పేర్లు ప్రకటన వస్తోంది. అతను ఫలితాలను చూస్తాడు. ఆ ఫలితాల్లో యూరప్ మరియు జర్మన్ విశ్వవిద్యాలయాల ఆధిపత్యం.

ప్రతాప్ నిరాశతో చివరి వరుసకు వెళ్లి కూర్చున్నాడు. టాప్ 10 జాబితాను ప్రకటించారు. ఆ ఫలితాలన్నీ అమెరికాలోని అగ్రశ్రేణి విశ్వవిద్యాలయాల ఆధిపత్యం.

అందరూ మొదటి ప్రైజ్ కోసం ఆసక్తిగా ఎదురు చూస్తున్నారు. 2 వ బహుమతి "స్టాన్ఫోర్డ్ విశ్వవిద్యాలయం" కు ప్రకటించబడింది!

ఆ తరువాత # 1 ఎవరు?

"దయచేసి భారతదేశం నుండి మిస్టర్ ప్రతాప్, గోల్డ్ మెడలిస్ట్ కు స్వాగతం"

ఏడుపే మన హీరో కోసం ఏడుస్తోంది...

పట్టరాని ఆనందం... పరమానంద పరిపూర్ణత్వం...

అతని కళ్ళ నుండి కన్నీళ్ళు ప్రవహిస్తున్నాయి...

భారతదేశ జెండా పైన అవరోహణం....

తన "తల్లి మాంగల్యం" కన్నీటి తెరలో మసకబారి కనపడుతుంది.

భారత మాతా పరవశించి పోతుంది. 10,000 డాలర్ల బహుమతి. ఆ తరువాత ఒక ఉల్లాసమైన వేడుక. అతని ప్రతిభ బయటి ప్రపంచానికి తెలుస్తుంది.

ఫ్రాన్స్‌లో మొదటి బహుమతి. ఫ్రాన్స్ దేశం నుండి ఆహ్వానం! మేము నెలకు 16 లక్షలు ఇస్తాము. మేము 5 బెడ్ రూమ్ ఇంటిని ఇస్తాము. మేము 2.5 కోట్ల విలువైన కారును కూడా ఇస్తాము. కానీ ప్రతాప్ తిరస్కరించాడు!!

"భారతదేశ ప్రధానమంత్రి మోడీ ప్రతాప్ ని పిలిచారు. తన ప్రతిభ దేశానికి ప్రయోజనం. రక్షణశాఖకు చెందిన DRDO తో కలిసి పనిచేసే అవకాశంతో గౌరవించబడినాడు"

(DRDO - Defence Research Dovelopment Organization. భారతదేశ రక్షణశాఖకు మిలటరీకు సంబంధించిన ఆయుధాల పరిశోధన, అభివృద్ధి కేంద్రం)

మన జీవనాలు ...పుష్ప విలాపాలు లేని పుష్ప విలాసాల ఆనందమయ అందమైన ఉద్యానవనాలు కావాలని ...సత్యసాయి విస్సా.

 నీ పూజ కోసం పూలు కోసుకు వద్దామని ప్రొద్దుననే తోటలోనికి వెళ్ళాను ప్రభూ. ఉదయశ్రీ అరుణారుణ కాంతులలో ఉద్యానం కళకళలాడు తున్నది. పూల బాలలు తల్లి వొడిలో అల్లారు ముద్దుగా ఆడుకుంటున్నాయి. అప్పుడు,

నే నొక పూలమొక్క కడ నిల్చి

చివాలున కొమ్మవంచి గో రానెడు నంతలోన

విరులన్నియు జాలిగ నోళ్ళు విప్పి "మా ప్రాణము దీతువా" యనుచు బావురు మన్నవి;

క్రుంగిపోతి;........నా మానస మందెదో తళుకు మన్నది పుష్పవిలాప కావ్యమై.

కరుణశ్రీ జంధ్యాల పాపయ్య శాస్త్రి గారి మహాద్భుత సృష్టి లో పుష్పవిలాపం ఒకటి...ఘంటసాల గానమదుర్యం తో జీవం పోస్తే...కాకతాళీయంగా నేను తీసిన చిత్రాలు నాకు ఆ పద్య భావాన్ని స్పురింపచేస్తున్నాయి..మన జీవనాలు ...పుష్ప విలాపాలు లేని పుష్ప విలాసాల ఆనందమయ అందమైన ఉద్యానవనాలు కావాలని ...సత్యసాయి విస్సా.

పూజ్య గాంధీ మహాత్ముని జయంతి సందర్భంగా ఈ కవన కానుక!...సత్యసాయి విస్సా ఫౌండేషన్.

పూజ్య గాంధీ మహాత్ముని జయంతి ఆ సందర్భంగా ఈ కవన కానుక పూజ్య బాపూజీ జయంతి సందర్భంగా కీర్తి శేషులు బ్రహ్మశ్రీ మానాప్రగడ శేషసాయి గారు మహాత్మాగాంధీ గారికి నివాళిగా ఎంతో ఆర్తితో, తాదాత్మ్యతతో ఆలపించిన వారి గానమాధుర్యాన్ని పద్యసుమాలను ఈ యూట్యూబ్ లింక్ లో ఆస్వాదించండి!. https://www.youtube.com/watch?v=3MeYxmp5Ih4 ఆచార్య మానాప్రగడ శేషసాయి గారు విజయనగరం సంస్కృత కళాశాలలో ఉపన్యాసకులుగా, ప్రధానాచార్యులు గా పనిచేశారు. అయన ప్రముఖ కవి. రచయిత మంచి వక్త. గతంలో వారిని విజయనగరం లో మా విస్సా ఫౌండేషన్ తరపున చిరుసత్కారం భాగ్యం. సత్యసాయి విస్సా ఫౌండేషన్.

పూజ్య గాంధీ మహాత్ముని జయంతి ఆ సందర్భంగా ఈ కవన కానుక పూజ్య బాపూజీ జయంతి సందర్భంగా కీర్తి శేషులు బ్రహ్మశ్రీ మానాప్రగడ శేషసాయి గారు మహాత్మాగాంధీ గారికి నివాళిగా ఎంతో ఆర్తితో, తాదాత్మ్యతతో ఆలపించిన వారి గానమాధుర్యాన్ని పద్యసుమాలను ఈ యూట్యూబ్ లింక్ లో ఆస్వాదించండి!. https://www.youtube.com/watch?v=3MeYxmp5Ih4 ఆచార్య మానాప్రగడ శేషసాయి గారు విజయనగరం సంస్కృత కళాశాలలో ఉపన్యాసకులుగా, ప్రధానాచార్యులు గా పనిచేశారు. అయన ప్రముఖ కవి. రచయిత మంచి వక్త. గతంలో వారిని విజయనగరం లో మా విస్సా ఫౌండేషన్ తరపున చిరుసత్కారం భాగ్యం. సత్యసాయి విస్సా ఫౌండేషన్.

కుశలమా? నీకు కుశలమేనా?

 కుశలమా? నీకు కుశలమేనా?

https://www.youtube.com/watch?v=jDqfA9nuVKQ

ఇష్టమైన వ్యక్తుల యోగక్షేమాలకు ఎంత చక్కని అభివ్యక్తి దేవులపల్లి వారిది ఆ అభివ్యక్తిని భుక్తికోసం కాక ఎంతో భక్తిగా గళంతో కాక హృదయంతో ఎంతో హృద్యమంగా ఆలపించిన ఆ మహోన్నత వ్యక్తి జీవించిన కాలంలో మనమూ జీవించాము ఇటువంటి ఎన్నో పాటలతో మన జీవిత అనుభూతులతో ఆయన గళం మనతో మమేకమైపోయింది. ఒక్క సారిగా అయన మాయమైపోయినా మనకు మిగిల్చిన పోయిన ఆ అద్భుతమైన సంపదకు మనం వారసులం ఆయన లేరని అనుకోకుండా ఉన్నారని బావిస్తూ ప్రతి రోజు ఆ గళమాధుర్యాని చవి చూస్తూ అనుభవిద్దాం! సర్వేజనా సుజనా భవంతు! సర్వే సుజనా సుఖినోభవంతు!! సత్యసాయి విస్సా ఫౌండేషన్!!!

https://www.youtube.com/watch?v=G04pGPnUNQE

"నేనొక ప్రేమ పిపాసిని నీవొక ఆశ్రమ వాసివి" ప్రేమికుడు అన్నవాడు తప్పకుండా విని తీరవలసిన పాట

"నేనొక ప్రేమ పిపాసిని నీవొక ఆశ్రమ వాసివి"

ప్రేమికుడు అన్నవాడు తప్పకుండా విని తీరవలసిన పాట

1978 విడుదలైన ఇంద్ర ధనుస్సు చిత్రం కోసం

మనసుకవి మన సుకవి ఆచార్య ఆత్రేయ రాసిన

ఈ అధ్బుత భావుక ప్రేమ గీతం కె.వి. మహదేవన్

గారి స్వరకల్పనలో బాలు గారు ఒలికించిన

ఆ ప్రేమ తన్మయత్వానికి లోనవ్వని ప్రేమికుడు

వుండడేమో ఒక వేళ వుంటే వాడు ప్రేమికుడు కాడేమో

ఆ పల్లవి లోనే ఎత్తుగడ

నేనొక ప్రేమ పిపాసిని నీవొక ఆశ్రమ వాసివి

నా దాహం తీరనిది నీ హృదయం కదలనిది

నేనొక ప్రేమ పిపాసిని నీవొక ఆశ్రమ వాసివి

నా దాహం తీరనిది నీ హృదయం కదలనిది

నేనొక ప్రేమ పిపాసిని....

ఆ మొదటి చరణం లో "తలుపు మూసిన తలవాకిటిలో పగలు రేయి నిలుచున్నా"

"తలవాకిలి" ఒక చక్కని అభివ్యక్తికి ఎంచక్కని పదం

ఇంత చక్కని పదాలను, పదబంధాలను నేడు మనం

ఎంత దూరం చేసుకుంటున్నాం? ఎంత చక్కని తెలుగును కోల్పోతున్నాం?

కనీసం ఇటువంటి మాటలు విని అర్ధం చేసుకుందుకైనా

తెలుగు నెర్చుకోవాలి, భావి తెలుగు నేర్పించాలి

అయ్యో ఇంకా మొదటి చరణంలోనే ఉండిపోయాం

"పిలిచి పిలిచి బదులేరాక అలసి తిరిగి వెళుతున్నా"

ఒక భగ్న ప్రేమికుని హృదయ స్థితిని అర్థం చేసుకుంటే

ప్రేమోన్మాదం, యాసిడ్ దాడులు ఉండవు

"తలుపు మూసిన తలవాకిటిలో పగలు రేయి నిలుచున్నా

పిలిచి పిలిచి బదులేరాక అలసి తిరిగి వెళుతున్నా"

నా దాహం తీరనిది నీ హృదయం కరగనిది

నేనొక ప్రేమ పిపాసిని...

ఇక రెండో చరణంలో

పూట పూట నీ పూజ కోసమని పువ్వులు తెచ్చాను

ప్రేమ భిక్షనూ పెట్టగలవని దోసిలి ఒగ్గాను

నీ అడుగులకు మడుగులోత్తగా ఎడదను పరిచాను

నీవు రాకనే అడుగు పడకనే నలిగిపోయాను

నేనొక ప్రేమ పిపాసిని...

దోసిలి ఒగ్గాను, ఎడదను పరిచాను ఎదలో సవ్వడి లేపే పదాలు

ఇక మూడో చరణంలో

పగటికి రేయి .. రేయికి పగలు.. పలికే వీడ్కోలు

రోజులు గడచి పొతూనే ఉన్నాయి అని

చెప్పడంలో ఎంత అమాయకత, ఎంత భావుకత

సెగ రేగిన గుండెకు చెబుతున్నా నీ చెవిన పడితే చాలునని

నీ జ్ఞాపకాల నీడలలో నన్నేపుడో చూస్తావు

నను వలచావని తెలిపేలోగా నివురైపోతాను

నివురైపోతాను అన్న దానికి అర్ధం నివురుగప్పిన నిప్పు అంటారే బూడిద అన్నమాట

ఈ యూట్యూబ్‌ లింకుల్లో

https://www.youtube.com/watch?v=zICpJBzMJaQ

స్వరాభిషేకంలో బాలుగారు ఆ పాట పాడుతూ

పంచుకున్న జ్నాపకాలు చూసి ఆనందించండి.

https://www.youtube.com/watch?v=rZgGkbRPtcQ

సినిమాలో పాట చూసి ఆనందించండి.

ఒక మహనీయుని మహాభినిష్క్రమణం తర్వాత కేవలం జయంతులకు, వర్ధంతులకు పరిమితం కాకుండా వారి జ్నాపకాలను వారి ఘనకార్యాలను ప్రతినిత్యం ఇలా గుర్తుచేసుకుందాం అదే నిజమైన నివాళి! సత్యసాయి విస్సా ఫౌండేషన్‌

 మరాం-అల్-మస్రీ సిరియాకి చెందిన కవయిత్రి. ఆమె తన ఇంటినీ, కుటుంబాన్నీ, దేశాన్నీ వదిలిపెట్టి ఒక ప్రవాసిగా ఫ్రాన్సులో జీవిస్తున్నది. 'సిరియాకి చెందిన ప్రతి ఒక్కటీ వదిలిపెట్టేసాను, చివరికి ఆ భాష, ఆ ఆహారంతో సహా ' అని చెప్పుకుందామె ఒక ఇంటర్వ్యూలో. కాని, ఆమె కవిత్వం చదివితే, సిరియా ఆమెని వదిలిపెట్టలేదనీ, ఆమె ఊపిరిలో ఊపిరిగా మారిపోయిందనీ అర్థమవుతుంది. నాకోసం తెలుగు చేసుకోకుండా ఉండలేని ఆమె కొన్ని కవితలు కొన్ని, మీ కోసం.

~

1

నేను మనిషిని

_______________

నేను మనిషిని, పశువుని కాను

అంటో అరిచాడొక మామూలు మనిషి

అహ్మద్ అబ్దోహాబు.

భయమనే పంజరం నుంచి

బయటపడ్డ కైదీలాగా

వణుకుతున్న గొంతుకతో

అరిచాడు.

ఉబ్బిన కంఠనాళాలు

కోపోద్రిక్తనయనాలు.

అతడేమీ బాల్జానీ, హ్యూగోనీ

చదివినవాడు కాడు

మార్క్సూ, లెనినూ ఎవరో తెలియదతడికి

కాని ఆ రోజు మాత్రం

ఆ సాధారణ పౌరుడు

అహ్మద్ అబ్దోహాబు

అసాధారణమానవుడైపోయాడు.

2

నువ్వతణ్ణి చూసావా?

________________

నువ్వతణ్ణి చూసావా?

తన బిడ్డని చేతుల్లో పెట్టుకుని

ఎంత ఠీవిగా, వెన్నెముక నిటారుగా

తలెత్తుకుని మరీ నడిచివెళ్ళాడని...

అట్లాంటి తండ్రి చేతుల్లో ఉన్నందుకు

ఆ బిడ్డ కెంత గర్వంగా,

సంతోషంగా ఉండేదో కదా,

బతికుంటే.

3

రోజువారీ జీవితం

__________________

రోజువారీ జీవితం:

రొట్టెల దుకాణం ముందు పొడవాటి వరస

బాంబుల పేలుళ్ళు.

ప్రతి ఒక్కరు పరుగుపెట్టారు

చెట్లు కూడా

వేర్లు పెరుక్కుని మరీ పరుగుపెట్టాయి.

ఒక్క ఆకలి తప్ప.

చుట్టూ ఏమవుతోందో పట్టించుకోకుండా

ఆకలి మటుకు

అక్కడే నిల్చుంది

రొట్టెల కోసం.

4

బిడ్డా నా తల్లీ

_________________

బిడ్డా, నా తల్లీ బాగా చదువుకో

దేశానికి కావాలి జాతినిర్మాతలు.

కాఫీ తాగుతావా?

టీ?

నువ్వు కచ్చితంగా పాసవుతావు,

డిప్లొమా తెచ్చుకుంటావు

అప్పుడు నాకెంత సంతోషంగా ఉంటుందో తెలుసా

పెద్దపార్టీ ఇస్తాను

నువ్వు..ఇంజనీరుగా.. చాలా బావుంటుంది కదూ.

ఆ బిడ్డ కలలూ కలాలూ మూటగట్టుకుని

యూనివెర్సిటీకి బయలుదేరింది.

ఆమెదంటూ వాళ్ళమ్మకు చేరింది

ఒక బూటు మటుకే.

5

వాళ్ళని చూసాన్నేను

________________

వాళ్ళని చూసాన్నేను

ఆ ఆడవాళ్ళని

నీలిరంగులో ముసుగుపడ్డ ఆ ముఖాల్ని

తొడల మధ్య పుండుతో

బంధించబడ్డ కలల్తో, నోరుమూయబడ్డ పదాల్తో

అలసిపోయిన చిరునవ్వుల్తో

ఆ ఆడవాళ్ళు.

వాళ్ళందర్నీ చూసాన్నేను

వాళ్ళ బోసిపాదాల్తో

వీథిలో నడిచిపోతూండగా

వెనక్కి వెనక్కి చూసుకుంటూ

తమనెవరేనా వెంబడిస్తున్నారేమోనని భయపడుతూ

ఏ పదధ్వనివిన్నా అది ఏ తుపాను కానున్నదోనని శంకిస్తో

వెన్నెల దొంగలు ఆ స్త్రీలు

మామూలు ఆడవాళ్ళ ముసుగులో నడిచిపోతున్నారు

అచ్చం వాళ్ళలాంటి జీవితమే నీదైతే తప్ప

నువ్వు వాళ్ళని గుర్తుపట్టలేవు.

6

కాథరిన్

_____________

తల్లి: జీనెట్టె

తండ్రి: జీన్ క్లాడ్

వయసు: 48

వృత్తి: గృహిణి

బహుశా ఆమెలో స్త్రీత్వం మరీ

పొంగిపొర్లుతున్నందుకేమో

ఆమె నిండా కోరికలే.

తెల్లని కాథరిన్ ని చూస్తే

తన జీవితానికేదో ఒక ధ్యేయం

లేనట్టే కనిపిస్తుంది.

కాని ఆమె ఒక స్త్రీ

సున్నిత హృదయురాలు

తన పిల్లల్ని ప్రేమించుకుంటూ

తన ఇల్లు చక్కదిద్దుకునే మామూలు గృహిణి.

ప్రేమకి నోచుకోనిది కాబట్టే

దానికోసం ప్రతి బాటసారి కళ్ళలోనూ

బస్సు డ్రైవరు కళ్ళలోనూ

వెతుక్కుంటుందామె.

ప్రతి పేవ్ మెంటు దగ్గరా ఒక మందహాసాన్ని

అడుక్కుంటుంది.

ప్రతి నగరకూడలిదగ్గరా

ఒక అద్భుతం సంభవిస్తుందేమోనని

ఆశపడుతుంది.

7

మానవసోదరులారా

_____________________

ఓ మానవసోదరులారా

ఓ ప్రపంచమా

నాకొక బిడ్డ ఉండేవాడు

నేనతణ్ణి నా కడుపులో పెట్టుకున్నాను

వాడు నా దేహం పంచుకున్నాడు

నేనతణ్ణి నా రక్తమిచ్చి సాకాను

మమిద్దరం కలలు పంచుకున్నాం

నేనతడికోసం పాటలు పాడాను

వాడు కేరింతలు కొట్టాడు

నేనతడికోసం ఏడ్చాను

వాడు గుక్కపెట్టడం మానేసాడు

వాణ్ణి నా చంకనుంచి లాగేసారు

నేను పాడటం ఆపేసాను.

8

సిరియా బిడ్డలు

__________________

తెల్లని గుడ్డల్తో కప్పిన

మిఠాయిపొట్లాల్లగా

సిరియా బిడ్డలు.

వాళ్ళల్లో ఉన్నది చక్కెర కాదు

రక్తమాంసాలు

కలలు

ప్రేమ.

వీథులు మీ కోసం

ఎదురుచూస్తున్నాయి

సిరియా బిడ్డల్లారా

బడులు, తోటలు, సెలవులు

ఎదురుచూస్తున్నాయి.

పక్షులుగా మారి

నీలి గగనంలో

తారట్లాడటానికి

అంత తొందరేమొచ్చింది?

9

తలుపు తట్టిన చప్పుడు

__________________

తలుపు తట్టిన చప్పుడు

ఎవరు?

నా ఒంటరితనపు దుమ్మంతా

రగ్గుకిందకి తోసేసి

ముఖాన చిరునవ్వు పులుముకుని

తలుపు తెరుస్తాను

10

ఎంత మూర్ఖత్వం

__________________

ఎంత మూర్ఖత్వం:

తలుపు తట్టిన చప్పుడు

వినబడితే చాలు నా గుండె

తలుపు తెరిచేస్తుంది.

11

నన్ను ప్రేమించనివాళ్ళు

___________________

నన్ను ప్రేమించని వాళ్ళు

ఉప్పు కణికల్లాగా

ఇంతలోనే తళుకుమన్నారు

ఇంతలోనే కరిగిపొయ్యారు.

12

సిరియా

______________

సిరియా నాకొక నెత్తురోడుతున్న గాయం

మరణశయ్య మీద ఉన్న మా అమ్మ.

కుత్తుక తెగ్గోసిన నా బిడ్డ.

అది నా పీడకల, నా ఆశారేఖ,

నా నిద్రలేమి, నా మెలకువ.