శుభోదయం../\.. ముఖ పుస్తక బంధు మిత్రులందరికీ ...అంతర్జాతీయ మాతృభాషా దినోత్సవ శుభాకాంక్షలు!! With Vissanagamani

శుభోదయం../\..
ముఖ పుస్తక బంధు మిత్రులందరికీ ...అంతర్జాతీయ మాతృభాషా దినోత్సవ శుభాకాంక్షలు!! ప్రతి సంవత్సరం ఫిబ్రవరి 21 న ప్రపంచవ్యాప్తంగా బహుభాషాతనాన్ని, భాషా-సాంస్కృతిక భిన్నత్వాన్ని గుర్తించేందుకు, అవగాహన పొందేందుకు ఈ రోజును జరుపుకుంటారు. ఐక్య రాజ్య సమితి సాంస్కృతిక విషయాల సంస్థ యునెస్కో ఈ రోజును 17 నవంబర్ 1999న తొలిసారి ప్రకటించింది. ఐక్య రాజ్య సమితి జెనరల్ అసెంబ్లీ కూడా ఈ విషయాన్ని ధృవీకరించి, 2008 ని అంతర్జాతీయ భాష సంవత్సరంగా ప్రకటించింది. మాతృభాష గురించి గాంధీజీ గుజరాతీలో రాసుకుంటూ -‘మాతృభాషా తృణీకారం మాతృదేవీ తిరస్కారం’ అని అన్నారు. ఉన్న ఊరిని, కన్నతల్లిని, తల్లి భాషనీ ప్రేమిద్దాం! గౌరవిద్దాం!! అంతర్జాతీయంగా తెలుగు నిలిచేందుకు దేశవిదేశాల్లో తెలుగువారు ఎంతో కృషి చేస్తున్నారు, అలాగే మనమూ పూనుకోవాలి. మనదైన కమ్మనైన అమ్మభాషని పదికాలాలు పరిరక్షించు కోవాలి.. ఇది ప్రజలూ, ప్రభుత్వమూ కలసి కట్టుగా పూనుకోవాలి. జై తెలుగు తల్లి!!!!

నవరసా లొలికించే నాట్య మయూరి
ఫల రసాలు పండించే నిత్య సుకుమారి
గలగలా పొంగి పొరలే కావేరి
నిగ నిగా వంపుసొంపుల వయ్యారి
ప్రకృతి వడిలో ప్రియపుత్రిక ఈ జనని
వికృతి చేష్టలకు తల వొగ్గదు నా జనని
రాక్షసులను ఋషులుగా మహర్షులుగా
మార్చిన నా భారతి
వీరనారీ శిరోమణులను కన్న భాగ్యవతి
పుణ్య పురుషులను కన్న భూమి భారతి
నీ త్యాగ నిరతికి ఇదే మా మంగళహారతి .