ప్రతి మనిషి వెనకా ఒక కథ ఉంటుంది.
ఓ 24 ఏళ్ల యువకుడు రైల్లో కిటికీ దగ్గర కూర్చొని గట్టిగా అంటున్నాడు:
నాన్నా చూడండి చెట్లన్నీ వెనక్కి ఎలా పరిగెడుతున్నాయో!
తండ్రి చిన్నగా నవ్వి అవును అన్నాడు.
ఎదురు సీట్లో కూర్చొన్న దంపతులు ఆ అబ్బాయి చిన్న పిల్లాడిలా మాట్లాడడం చూసి జాలి పడ్డారు.
మళ్ళా కాస్సేపటికి ఆ అబ్బాయి మరింత ఆశ్చర్యంగా అన్నాడు:
నాన్నా చూడండి మేఘాలు మనతో పాటే పరిగెడుతూ వస్తున్నాయి!
తండ్రి చిన్నగా నవ్వి అవును అన్నాడు.
ఎదురు సీట్లోని దంపతులు ఇంక ఆపుకోలేక ఆ పెద్దాయనతో అన్నారు:
సార్ మీ అబ్బాయిని ఎవరైనా మంచి డాక్టరుకు చూపించలేక పోయారా?
తండ్రి నవ్వి అన్నాడు:
" చూపించానండీ. ఈ రోజే హాస్పిటల్ నుంచి డిశ్చార్జ్ అయ్యాడు.
మా అబ్బాయి పుట్టుకతో అంధుడు. ఈ మధ్యనే చూపు వచ్చింది."
మా అబ్బాయి పుట్టుకతో అంధుడు. ఈ మధ్యనే చూపు వచ్చింది."
భూమ్మీద పుట్టిన ప్రతి మనిషికీ ఒక కథ ఉంటుంది.
ఎవరి గురించీ నిజం తెలుసుకోకుండా మనం ఒక నిర్ణయానికి రాకూడదు.
ఆ నిజం మనల్ని ఆశ్చర్యానికీ, ఆవేదనకూ, పశ్చాత్తాపానికీ కూడా గురి చేయవచ్చు......!!!
No comments:
Post a Comment