చక్కని పద్యం

శ్రమ చేసియు ఫలమొందక
విమనస్కత గాంత్రు జనులు;
విధులను మరువన్
భ్రమ గొల్పెడి భవభయమున
బ్రమత్తులగుచు మడియుదురు భవ్య సుమేధా!

భావము: శ్రమ పడి కూడా ఫలితము పొందలేని వారు, నిరాశా నిస్పృహలతో మనో నిగ్రహము కోల్పోతూ ఉంటారు. చేరవలసిన గమ్యము, అందుకు అనుసరించవలసిన త్రోవ నుండి తప్పిపోతారు. వీటన్నిటికీ మూల కారణము భ్రమ, సందేహము. ఇటువంటి తమోగుణ ప్రధానమైన భావములకు లోనైతే అపజయము, పతనము తప్పవు. అందువలన తాము ​ఏర్పరచుకొన్న లక్ష్యము మరియు ఎంచుకున్న మార్హమునందు గట్టి నమ్మకము, చేసే పనిలో ఏకాగ్రత: ఈ రెంటితో భయవిముక్తులై విజయము సాధించ గలరు.