ఆషాడ మాస విశిష్టత

రేపటినుంచి అనగా 25-06-2017 నుంచి ఆషాఢమాసం ప్రారంభమవుతుంది. ఆషాడ మాస విశిష్టత తెలుసుకుందామా!!

చాంద్రమానం ప్రకారం ఆషాఢమాసం నాల్గవ నెల. ఈమాసంలోని పూర్ణిమనాడు చంద్రుడు ఉత్తరాషాఢ/పూర్వాషాఢ నక్షత్రంలో సంచరించడం వల్ల దీనిని ఆషాఢమాసం అని పేరు ఏర్పడింది. ఈమాసం అత్యంత ఫలప్రదమైంది.

ఈమాసంలో శుక్లపక్ష ద్వితీయన, పుష్యమీ నక్షత్రమున, సుభద్రతో కూడిన రాముణ్ణి రథం యందు కూర్చోబెట్టి యాత్రోత్సవమును జరిపించడం ఉన్నది. ఈమాసంలో విష్ణువు పాల సముద్రంలో పాముపడక యందు నిద్రిస్తాడు అని అందువల్ల ఆ సమయంలో హరిని పూజించడం వల్ల బ్రహ్మహత్యాది పాపము త్వరలోనే పోతుంది. ఆషాఢ మాసంలో సూర్యుడు, వరుణుడు అనే పేరు పొందుతాడు. వసిష్ఠుడు, రంభ, సహజన్యుడు, హూహువు, శుక్రుడు, చిత్రస్వనుడు, అనే వారు తనకు పరివారం కాగా కాలం గడుపుతుంటాడు. ఈమాసం నుంచే చాతుర్మాస్య వ్రతం చెప్పబడింది.