'గంగిరెద్దులాట' ప్రాచీనమైన జానపద కళ,
ఈ దిగువ లంకెలు నొక్కండి వీక్షించండి!
1) http://youtu.be/hrXR7C2I3dU
గంగిరెద్దులు ఆడించడం అనేది మన సంస్కృతిలో జానపద కళల్లో ఒకటి. పూర్వం సంక్రాంతి వచ్చిందంటే చాలు ప్రతీ గ్రామ సీమలో ఈ గంగిరెద్దు మేళాలు దర్శనమిచ్చేవి. గంగిరెద్దుల వారు వీటితో చేయించే నృత్యాలు అబ్బురపరుస్తాయి. ఇద్దరు లేదా ముగ్గురు వ్యక్తులు ఉంటారు.ఒక వ్యక్తి గంగిరెద్దును ఆడిస్తుంటే మిగతా వారు డోలు సన్నాయిలు వాయిస్తుంటారు.వారి మేళతాళాలకు అనుగుణంగా గంగిరెద్దు నృత్యం చేస్తుంది. ముఖ్యంగా గంగిరెద్దును దానిని ఆడించు అతను చాతీమీద పెట్టుకుని ఆడించే విధానం అకట్టుకుంటుంది. గంగిరెద్దుల వారు గ్రామాల్లో ఇంటీంటికి తిరిగి గంగిరెద్దును ఆడిస్తూ ఇంటిల్లిపాదినీ ముఖ్యముగా పిల్లలను తమదైన శైలిలో పొగుడుతూ ఆశీర్వచనాలు అందిస్తారు. ఆ ఇంటినుంచి నగదు, వస్తురూపేణా లేదా పాతబట్టలు ఇలా తీసుకుంటారు.
గంగిరెద్దులాట చాలా ప్రాచీనమైన కళ దీని గురించి పురాణ ఇతిహసాల్లో కూడా ప్రస్తావన ఉంది. గంగిరెద్దు సాక్షాత్తు విష్ణుస్వరూపంగా ఒక పౌరాణిక గాధ ఒకటి వుంది. పూర్వం గజాసురుడనే రాక్షసుడు పరమశివున్ని వరం కోరుకుని తన గర్భంలో నివాసముంచుకోగా పార్వతిదేవి కోరికపై బ్రహ్మది దేవతలు గజాసురుని రాజ్యానికి మేళం వలే వచ్చి గంగిరెద్దుతో నృత్యం చేయించారని ఆనృత్యానికి పరమానందభరితుడైన గజాసురుడు ఏమి వరం కోరుకొమ్మని అడగగా బ్రహ్మాది దేవతలు పరమశివున్ని ఇవ్వమని అడిగారని పురాణాల్లో ఉంది. ఇలా అతి ప్రాచీనమైన కళలని మనం పరిరక్షించు కోవాలి..మొన్న మావూరు వెళ్ళినప్పుడు ఈ అద్భుత కళా విన్యాసం మీకోసం! సత్యసాయి విస్సా ఫౌండేషన్.
No comments:
Post a Comment