తెలుగుతేజం తో విశ్వంలో వెలుగులు నింపుదాం!!

 ఈ లంకె నొక్కండి!! తెలుగు తల్లి పై కవిత నా కవిత చూడండి!!  
https://www.youtube.com/watch?v=oygIK_wqjuU


తిలాపాపం తలాపిడికెడు అన్నట్లుగా... 
వంకర ఏంకర్ల సంకర భాష  
తల్లితండ్రుల నిరాదరణ 
సమాజంలో పెరుగుతున్నవిదేశీ వ్యామోహం 
బోధనా పరిపాలనా భాషగా అమలులో పాలకుల నిర్లక్ష్యం
తాజాగా ప్రభుత్వ చదువులమ్మ ఒడిలో నుంచి తెలుగుతల్లి జారిపోయింది!   
ఆంగ్లమాధ్యమ చదువలమ్మే బడులలో తెలుగుదనం దోషిగా నిర్ణయమయింది!!
పిల్లలకు తెలుగుదనపు రుచి.... తెలియని తనం... వెరసి 
కర్ణుని చావుకి కారణాలు అనేకం అన్నట్లుగా ...మన 
అమృతభాష... మాతృభాష... మృతభాషగా మారి పోయేందుకు దోహదపడుతున్నాయి 
చాప క్రింద నీరులా చల్లగా భాష కనుమరుగు అయిపోతోంది! 
భాష నిర్వీర్యం అయితే జాతి నిర్వీర్యమైనట్లే...
వెన్నెముక లేని పరాన్న జీవులుగా మనం మిగిలి పోకముందే....
మన ఉనికి నిలుపుకుందాం! మన మనికి
తెలుగు సమాధి మీద కాకుండా 
ఆంగ్లాన్ని ఆదరిద్దాం!...వరాల తెలుగును గౌరవిద్దాం!!
తెలుగు పునాదిపై మన ఆశల ఆంగ్ల భవనాలు నిర్మిద్దాం!
తెలుగు వారిగా తలెత్తుకు సగర్వంగా జీవిద్దాం!
గిడుగు వారి జన్మదినాన! మాతృభాషా పుణ్య దినాన! 
గురజాడ గిడుగు అడుగుజాడల్లో....నడిచే ప్రయత్నం ప్రతిజ్ఞ చేద్దాం!! తరఫున 
తెలుగుతేజం తో విశ్వంలో వెలుగులు నింపుదాం!!
జై తెలుగు తల్లి! జై జై తెలంగాణా తల్లి!! ...సత్యసాయి విస్సా ఫౌండేషన్!  
https://www.youtube.com/watch?v=oygIK_wqjuU