నవంబర్ 5-6, 2016 తారీకులలో సింగపూర్ లో జరిగిన ఐదవ ప్రపంచ తెలుగు సాహితీ సదస్సు--వంగూరి చిట్టెంరాజు

సింగపూర్ లో జరిగిన ఐదవ ప్రపంచ తెలుగు సాహితీ సదస్సు

మరి కొన్ని విశేషాలు.

ఆసక్తి ఉన్న వారు వీక్షించండి. చదవండి.

1. ABN ఆంధ్ర జ్యోతి వారు హైదరాబాద్ లో ఉన్న నన్నూ, విశాఖపట్నంలో యార్లగడ్డ వారినీ, గొల్లపూడి గారినీ ఒకే వేదిక మీదకి రప్పించి...సింగపూర్ సదస్సు గురించీ, మన భాషా సాహిత్యాల గురించీ ఒక చర్చా కార్యక్రమం నిర్వహించారు. ఆ కార్యక్రమం నిన్న Telecast అయింది. ఈ టీవీ కార్యక్రమాన్ని అంధ్రజ్యోతి సంపాదకులు శ్రీ కె. శ్రీనివాస్ గారు ఏర్పాటు చేశారు. ఆయనకి ధన్యవాదాలు. కేవలం 30 నిముషాలలో అనేక విషయాలు ప్రస్తావన లోకి వచ్చాయి. ఈ కార్యక్రమాన్ని నిర్వహించిన మూర్తి గారి పరిజ్ఞానానికీ, ప్రతిభకి నాకు భలే ముచ్చట వేసింది. ఆ లంకె ఈ క్రింద ఇస్తున్నాను.
వీలుంటే చూసి, నా అభిప్రాయాలలో ఏమైనా తప్పు అనుకుంటే నన్ను చివాట్లు వెయ్యండి.
ABN Chit Chat with Vanguri foundation of America Founder over World Telugu Literary Conference

https://www.youtube.com/watch?v=coAccWVkt3I

2. మన సింగపూర్ మిత్రులు అసాధ్యులు. వారిలో సుధాకర్ జొన్నాదుల

ఎంతో కష్టపడి, తన విలువైన సమయాన్ని వెచ్చించి, నవంబర్ 5-6, 2016 తారీకులలో జరిగిన సుమారు ఇరవై గంటల కార్యక్రమాల వీడియోలని You Tube లోకి "ఎక్కించి"....అంతే కాదు..వాటిని నా బోటి వాడికి కూడా అర్థం అయేలా క్రోడీకరించి ఒక పట్టిక తయారు చేశాడు. ఆ పట్టిక ఇందుతో జతపరుస్తున్నాను. అందులో ఆయా కార్యక్రమాలు, ప్రసంగాలూ మనం వెతుక్కో అక్కర లేకుండా వేటికవేలా ఆయా లింకులు కూడా పొందు పరిచారు. మీరు చేయ వలసినదల్లా......మీకు ఆసక్తి ఉన్న లింకు మీద "క్లిక్కడమే"...

కార్యక్రమానంతరం "హమ్మయ్య" అయిపోయింది అని ఊపిరి పీల్చుకుని అన్నీ మర్చిపోయే ఈ రోజుల్లో ఇది సింగపూర్ వారు అందిస్తున్న మహత్తరమైన సేవ. చరిత్రని పదిలపరచడంలో వారికున్న ఆసక్తికి నిదర్శనం.....ముఖ్యంగా రవి కుామార్, రత్న కుమార్, శ్రీధర్ భరద్వాజ్, సుధాకర్ జొన్నాదుల, అనేక మంది స్వచ్చంద కార్యకర్తలకి మరొక్క సారి ధన్యవాదాలు, శుభాశీస్సులు అందజేస్తున్నాను. అందరి పేర్లూ వ్రాయలేకపోతున్నందుకు నన్ను మన్నించండి.

3. సింగపూర్ సదస్సులో పద్య నాటకాల మీద ఒక ప్రసంగం చేయడమే కాకుండా, 'మయ సభ' ఏకాపాత్రాభినయనంతో అందరినీ మెప్పించిన ఆమని కృష్ణ గారు 'తెలుగు వెలుగు' పత్రికలో ప్రచురించిన ఒక చిన్న వ్యాసం ఇందుతో జతపరిచాను. ఆసక్తి ఉన్నవారు చదవండి.