ధనుర్మాసంలో చేమంతుల వైభవాన్నీ, శోభని దేవులపల్లి కృష్ణశాస్త్రి గారి వర్ణన "స్వస్తి జగత్తున కగు!శ్రీ....

ధనుర్మాసంలో చేమంతుల వైభవాన్నీ, శోభని కృష్ణశాస్త్రి గారి వర్ణన 

తిరునాళ్ళ చేమంతులు

నాకనందన హరిచందనముల కన్న
కరము ప్రియముల చేమంతి విరులు హరికి;
ఆరు కాలాలు తిర్నాళ్ళ కనుచు వేచి.
పూచి యిచ్చును కైంకర్యమునకు వాని!

సురవరానీత కల్ప ప్రసూనమాల
అడుగులంబడి సాగిలబడి యొదుగును;
చేరు శ్రీవత్సకౌస్తుభ శ్రీనివాస
మేమొసంగు చేమాంతికా దామకమ్ము

హారాలై మెడజుట్టి,అంగదములై అంసాళిపై మెట్టి,లే
తోరాలై చెయిపట్టి యూగు,చనవెంతో గాని శ్రీజానితో
ధారాళమ్ములు;క్షీరసాగరసుతా ధమ్మిల్ల మాల్యమ్ములన్
హేరాళమ్ములు పీఠికాపురవనీ హేమాంత చేమంతికల్!

దేవులపల్లి కృష్ణశాస్త్రి

"స్వస్తి జగత్తున కగు!శ్రీ....

"స్వస్తి జగత్తున కగు!శ్రీ

రస్తు! సదా శాంతి ర"స్తటంచు వెలయు వి

శ్వస్తుత భారతవాణి సు

మస్తబకము వోలె లోకమస్తకము పయిన్!

దేవులపల్లి కృష్ణశాస్త్రి

------------------------