కరివేపాకు ఉపయోగాలు.!

కరివేపాకు ఉపయోగాలు.!

'కూరలో కరివేపాకులా' తీసేస్తున్నారని సామెత వాడుకుంటారు. కాని కరివేపాకు  లేని తాలింపు ఒక్కసారి ఊహించుకోండి. కరివేపాకు వేయకుండా ఉప్మాగాని, పులిహోరగాని మీరు తినగలరా. కరివేపాకు వలనే మన  వంటకాలకు రుచి, సువాసన.   కరివేపాకుని...  తినకుండా పక్కన పడేస్తేమీరెన్నో పోషకాలను వదులుకోవల్సి వస్తుంది తెలుసా. కూరకు రుచినే కాదు ఇంకా ఎన్నో విధాలుగా  మీకు ఉపయోగపడుతుంది. అవేంటో  చెబుతాను వింటారా...

1.కరివేపాకు కొబ్బరినూనెలో మరిగించి, వడగట్టి ఆ నూనెను తలకు రాసుకుంటే వెంట్రుకలు ఒత్తుగా పెరుగుతాయి .

2.కరివేపాకు, వేప కలిపి ముద్దగా నూరి ఒక స్పూను ముద్దను అరకప్పు మజ్జిగలో కలిపి పరగడుపున తీసుకుంటే చర్మసమస్యలు తగ్గిపోతాయి.

3.బ్లడ్‌షుగర్‌ ఉన్నవారు ప్రతిరోజూ కరివేపాకు  విరివిగా వాడటం వల్ల ఆ వ్యాధి అదుపులోకి వస్తుంది..

4.  కరివేపాకు మెత్తగా నూరి నెయ్యి లేదా వెన్నతో కలిపి కాలిన గాయాలపై రాస్తుంటే మచ్చలు పడకుండా త్వరగా మానుతాయి.

5. ఒళ్లంతా దురదలతో బాధపడేవారు కరివేపాకుతో పాటుగా పసుపు సమానంగా తీసుకుని పొడి చేసుకొని రోజూ ఒక స్పూను మోతాదులో నెలరోజులపాటు తీసుకుంటే దురదలు తగ్గుతాయి.

6. కరివేపాకు రసాన్ని పెరుగు లేదా వెన్నలో కలిపి కళ్లకింద పూస్తుంటే కంటికింది వలయాలు మాయమవుతాయి..

7.నీళ్లవిరేచనాలతో బాధపడేవారు కరివేపాకు  ముద్దగా చేసి ఒకటి రెండు స్పూన్ల మోతాదులో అరకప్పు మజ్జిగలో కలిపి రోజుకు మూడు నాలుగు సార్లు సేవిస్తే వెంటనే తగ్గుతాయి..

8..మూత్రపిండాల సమస్యతో బాధపడేవారు ఒకస్పూన్‌ కరివేపాకు రసాన్ని రోజూ రెండుపూటలా తీసుకుంటూంటే ఆ సమస్యల నుంచి బయటపడవచ్చు.